मसाज व्यवसायलाई मर्यादित बनाउन व्यवसायी एवं सरोकारवालाले माग गरेका छन् ।
विशेष गरी पर्यटकलाई सेवा दिने उद्देश्यका साथ विगत २० वर्षेखि सञ्चालित मसाज व्यवसाय अझै अमर्यादित रहेकाले यसलाई कानुनी दायरामा ल्याएर सरकारले नै थप व्यवस्थित गराउनुपर्ने उनीहरूको भनाइ छ ।
नेपाल मसाज व्यवसायी संघद्वारा सोमबार राजधानीमा आयोजित व्यावसायिक सुदृढीकरण विषयक कार्यक्रममा उनीहरूले त्यस्तो कुरामा जोड दिएका हुन् ।
संघका अध्यक्ष कर्ण्र्ााादुर स्याङताङले २०६३ सालमा पर्यटन मन्त्रालयले घरेलु तथा साना उद्योग विभाग र जिल्ला प्रशासन कार्यालयमा दर्ता गराएर व्यवसाय सञ्चालन गर्न पाउने निर्देशन दिए पनि अझै राज्यले यस व्यवसायलाई कानुनी दायरामा नल्याएकाले व्यवसायी मर्कामा परेको बताए ।
हाल ठमेलमा मात्र करिब एक सय ७० भन्दा बढी मसाज व्यवसाय सञ्चालित रहेको जानकारी गराउँदै उनले जबसम्म सरकारले व्यवसायीलाई कानुनी दायरामा ल्याउन सक्दैन, तबसम्म केही व्यवसायीहरूबाट अमर्यादित क्रियाकलाप भइरहने बताए ।
महानगरीय प्रहरी प्रभाग सोहखुट्टेका प्रहरी निरीक्षक रुगमबहादुर कुँवरले मसाज व्यवसायीले अहिलेसम्म प्रहरी एवं स्थानीय समुदायका प्रतिनिधिसँग भएका १५ बुँदे आचारसंहिता लागू नगरेकाले पनि व्यवसाय अमर्यादित बन्दै गएको बताए ।
सामुदायीक सेवा समाज ठमेलका सचिव आमलोचन सापकोटाले मसाजका नाममा यौन व्यवसाय गर्नेलाई प्रसय दिने र बिसुद्ध आयर्ुर्वेदिक मसाज गर्दै आएका व्यवसायीलाई पनि राज्यले कानुनी दायरामा नल्याएकाले व्यवसायी थप मर्कामा परेको बताए ।
कार्यक्रममा चेन्ज नेपालका अध्यक्ष प्रमेश प्रधान र सुन्दर नेपालका अध्यक्ष राजेन्द्र रम्तेलले मसाज व्यवसायलाई सम्मानजनक व्यवसायको रुपमा अगाडी बढाउँदै जानकालागि आफुहरूले विविध सहयोग गर्दै आएको बताए ।